Klinikat në qytetet e tjera

Klinika Orthodhokse ”Ungjillëzimi” në Jergucat është gjithashtu vepër e Kryepiskopit Anastas. Klinika e ka filluar veprimtarinë e saj në nëntor të vitit 2003, duke ofruar shërbim mjekësor në të gjithë zonën e Mitropolisë së Gjirokastrës dhe më gjerë. Ndërtesa ndodhet në hyrje të fshatit Jergucat, në një hapësirë rreth 400m2.

Klinika ka filluar veprimtarinë fillimisht me 5 departamente: Mikrobiologji, Patologji, Grafi, Pediatri dhe Okulistikë. Që në fillimet e saj, klinika ka pasur një mbështetje të madhe nga mjekë të profileve të ndryshme të spitalit Universitar të Janinës. Edhe në ditët e sotme kryhen vazhdimisht vizita në bashkëpunim me mjekët e këtij spitali. Kjo është një vepër që ofron një ndihmë shumë të madhe për banorët e zonës.

Personeli i klinikës duhet vlerësuar për aftësinë në ushtrimin e profesionit, si edhe për humanizmin që tregojnë për njerëzit në nevojë.