Rreth nesh

Themelet e kësaj qendre u hodhën në gusht të vitit 1999, me nismën dhe fondet e mbledhura nga Kryepiskopi i Tiranës, Durrësit dhe i gjithë Shqipërisë, Prof. Dr. Anastasi. Dy vjet më vonë ajo u shenjtërua dhe u përurua nga Patriarku Ekumenik, Vartholomeu I, në 7 nëntor të vitit 1999 gjatë vizitës së tij në vendin tonë. Meriton të përmendet bashkëpunimi i Kryepiskopit Anastas me mjekë të shquar Profesorë, Doktorë Shkencash Mjekësorë dhe specialistë për organizimin, për pajisjen dhe funksionimin e Qendrës.

Kështu Qendra Orthodhokse Diagnostike “Ungjillëzimi”, në një ndërtesë të re, mbresëlënëse, me gjashtë kate, e pajisur me të gjithë personelin dhe aparaturat e nevojshme bashkëkohore, që nga dita e çeljes e deri më sot, vazhdon të jetë ndër më bashkëkohoret dhe më konkurueset me simotrat e saj në vend dhe në rajon. Kjo qendër është një investim shumë i madh në dobi të shëndetit dhe mjekësisë së vendit tonë.

Në këtë qendër punojnë disa nga mjekët më të njohur të vendit, që ofrojnë eksperiencën e tyre në më shumë se 24 specialitete, ku mund te vizitohen pacientët, pa dallim besimi fetar. Qendra ofron shërbime shëndetësore nga më bashkëkohoret. Përvoja e madhe dhe e dokumentuar, mjekët e mirë, puna e palodhur e mjekëve dhe e personelit të kualifikuar, shërbimi cilësor, kushtet e përkryera dhe aparatet bashkëkohore i kanë dhënë një imazh dhe besueshmëri këtij institucioni. Gjatë periudhës 11-vjeçare të saj janë vizituar mijera paciente.

Qendra Diagnostike është organizëm jo fitim prurës, të ardhurat e saj shkojnë për mirëmbajtjen, funksionimin, rinovimin me pajisje të reja.